Çfarë ka thënë në Kuvend, në komisione dhe në Kukës, me fjalët e tij. Nga faqja zyrtare, 2024–2026.
Kërkoi nga ministri i Bujqësisë shpjegime pse vetëm 17,9% e fermerëve përfitojnë nga skema kombëtare, ndërsa 43% e fondeve shkojnë te 10% e përfituesve, dhe pse është vonuar censusi i bujqësisë.
Postimi i plotë«Duhet të dimë sa ferma kemi, sa tokë punohet, çfarë prodhojmë, çfarë po ndodh me blegtorinë dhe ku duhet të shkojnë subvencionet.»
Mbështeti projektligjin e deputetit Igli Cara për uljen e kontributeve për pensionistët që vazhdojnë të punojnë, si mënyrë për të ndihmuar këtë brez, sipërmarrjen dhe formalizimin e ekonomisë.
Postimi i plotë«Mosha e tretë, pas një jete me sakrifica, meriton mbështetje dhe dinjitet.»
Qëndroi pranë banorëve që kërkonin ujë vaditës në kulmin e sezonit dhe kërkoi kontrollin e kontratave dhe të mënyrës si përdoren burimet ujore nga hidrocentralet.
Postimi i plotë«Kukësi ka lumenj, liqen, borë e burime ujore, por ka familje që vuajnë për ujë në parcela dhe në rubineta.»
Paralajmëroi se rënia e euros me rreth 31% ndaj lekut që nga viti 2016 po u heq konkurrueshmërinë eksportuesve, fasonerive dhe bujqësisë, pikërisht sektorëve që krijojnë punësim real.
«Rruga jonë drejt Bashkimit Evropian kërkon një ekonomi tregu funksionale dhe të qëndrueshme, të aftë për t'i bërë ballë konkurrencës së tregut të përbashkët.»
Mbështeti ratifikimin e marrëveshjes së sigurimeve shoqërore me Poloninë, si mbrojtje për pensionet dhe përfitimet e shqiptarëve që punojnë jashtë vendit.
«Çdo marrëveshje që mbron sado pak interesat e emigrantëve tanë, që u njeh atyre djersën dhe u garanton pensionet e pleqërisë, është një detyrim që shteti ua ka borxh.»
Në debatin për aktin normativ mbi karburantet argumentoi se mbi 60% e çmimit të naftës janë taksa: akciza, taksa e karbonit, taksa e qarkullimit dhe TVSH-ja.
Postimi i plotë«Kur rritet nafta, rritet gjithçka.»
Kundërshtoi vendndodhjen e landfillit rajonal në Pobreg, në prag të qytetit dhe në breg të liqenit, dhe kërkoi që vendimi t'u takojë banorëve.
«Banorët e Kukësit nuk po kundërshtojnë zhvillimin. Ata po kërkojnë vetëm një gjë: jetë dhe të ardhme ndër breza, drejtësi dhe respekt për vendin ku jetojnë.»
Në përvjetorin e eksodit të marsit 1991 kujtoi udhëtimin e tij me anijen Legend drejt Brindizit, mes mbi 5 000 shqiptarëve, dhe falënderoi Italinë për mikpritjen.
Postimi i plotë«Ishte një rrugë që në atë kohë dukej pa kthim, por e nisëm me besimin se liria dhe dinjiteti vlejnë çdo sakrificë.»
Propozoi në buxhetin e vitit 2026 rehabilitimin dhe asfaltimin e kësaj rruge prej 8–9 km, me çakull që nga viti 1995, që u shërben 12 fshatrave dhe mbi 4 mijë banorëve. Amendamenti nuk u pranua.
Postimi i plotë«Kukësi nuk kërkon privilegje. Kërkon më pak shpërfillje e përbuzje, pak më shumë vëmendje, rrugë, dhe mos t'i cënohet dinjiteti.»
Bashkë me deputetin Bujar Leskaj propozoi rritjen e fondit të kompensimit në buxhetin e vitit 2026. Amendamenti u votua kundër; me ritmin aktual, procesi mbyllet rreth vitit 2045.
Postimi i plotë«Drejtësia për ish të përndjekurit politikë mbetet një detyrim moral dhe ligjor që nuk do të reshtim së kërkuari.»
Para ministrit të Financave kundërshtoi tre projektligjet e paketës fiskale, përfshirë "paqen fiskale", si amnisti që favorizon evazorët në dëm të sipërmarrjeve që kanë paguar rregullisht.
«Çdo ndërhyrje ligjore duhet të garantojë barazi para ligjit, mbështetje reale për sipërmarrjet e ndershme dhe një administratë tatimore funksionale.»
Ngriti subvencionet bujqësore më të ulëta në rajon, bllokimin e fondeve IPARD II (33 milionë euro) dhe IPARD III (112 milionë euro) dhe mungesën e përfituesve nga Qarku i Kukësit.
Postimi i plotëMori pjesë në inaugurimin e rrugës Gorozhup–Pogaj, ndërtuar nga Qeveria e Kosovës pas rrugëve Blinisht–Dobrun dhe Kërstec–Zapod, dhe kërkoi që edhe shteti shqiptar të investojë në këto zona.
Postimi i plotë«Ky investim, modest në pamje, por me vlerë të madhe njerëzore, është shembull se si shteti mund dhe duhet t'u shërbejë qytetarëve.»
Propozoi që fondi për mirëmbajtjen e rrugëve, kryesisht atyre dytësore dhe rurale, të trefishohej në 9,9 miliardë lekë, me para nga ulja e shpenzimeve operative të qeverisë, e koncesioneve dhe e investimeve jo prioritare.
Postimi i plotëBashkë me deputetin Isuf Çelaj propozoi një fond prej 5 miliardë lekësh për familjet e Qarkut të Kukësit, tokat e të cilave u përmbytën në vitin 1975 nga ndërtimi i HEC-it të Fierzës.
Postimi i plotë«Është detyrim i qeverisë ndaj banorëve të Qarkut Kukës dhe një e drejtë legjitime që ua garanton Kushtetuta e Shqipërisë.»
